Новогодишна здравица

Наздравувам
за Како си?
Добро
Што има ново?
Ништо
Кај си?
Дома
Ти?
Тука
Да живееме
Заедно
Не
Туку засебно
Да се гледаме
Поретко
Но јас велам
Подобро
Да бегаме
Заедно
Ти не сакаш
Сеедно
Да одиме
Далеку
Дај дојди ми
Поблиску
Наздравувам
за Нељубовта
Мојата
и Твојата
За Адел
и Тома Здравковиќ
За телефоните
и пораките
за Кој е?
Јас сум
Заборави
засрами се
За Кој е?
Јас сум
Остави ги
Останатите
Наздравувам
За најубавата
и најтажна година
За онаа, класичната
Беда и Мизерија
За не бев јас
Не ме лажи
Ти беше
За јас бев
Но не тоа
Што мислеше
За те сакам
Ма не знаеш што зборуваш
За ти ќе ми кажеш
Ти само знаеш да негодуваш
За не те сакам
Оди бегај тргни се
За имај убав живот
Не ми требаш повеќе
За прости ми
ако нешто ти погрешив
За остави
Од „земи или остави“
Наздравувам
За една чудна година
Да сме живи и здрави
Да живее Македонија