Синоќа те сонував
Бевме среќни
Ти се смееше, јас те засмејував
и двајцата пиевме нешто
Вино или вода, не е важно
зашто бевме среќни
Еден до друг среде светот
Синоќа
Излезе да ме поздравиш
од зад една завеса
и потоа рече дека нема да си одиш
Дека секогаш ќе бидеш некаде тука
И стоевме
Се кикотевме
како мали деца
Синоќа
Те сакав
цели седум секунди
толку велат, трае сонот
а мене пак, ми се причини
Дека вечно можам да те сакам
Синоќа те сонував
Но денес сум цел ден ужасно будна
Свесна дека денот е само пауза
меѓу два сона
и дека веројатно поминаа
моите седум секунди среќа.
No comments:
Post a Comment