Прво Писмо

Почитуван господине,
Ти еден ден ќе пропаднеш од љубов.
Всушност, ќе пропаднеш во неа,
заедно со оние
кои долго време се брцаат во таа
нежна густа кал
верувајќи во некаква исцелителна моќ
и слични приказни за мали деца.
Почитуван господине,
Деновиве ќе проплачеш од љубов,
исто како оние кои шетаат по градов
со црвени очи
Правдајќи се дека се опиени од своите
понежни половини
Дека се целосно исполнети, а само
навидум половични.
Се надевам господине,
Дека љубовта нема да те мачи
премногу
Ти советувам да пропаднеш брзо
и да замижиш цврсто.
Се гледаме долу.