Порака

Јас сум зезната за мислење
Таков луксуз ретко кому му е потребен
Јас понекогаш ги горам своите прсти
А понекогаш и туѓите
Работите што ги кажувам обично
Завршуваат на погрешната страна од разговорот
Јас и кога сакам да кажам колку те сакам
Тоа звучи како да ги сакам сите освен тебе
И кога плачам, се мислам дали моите солзи
Се лепат на погрешната страна од твојот прозорец
Јас сум зезната за мислење
Но секогаш подготвена да помогнам
Освен ако со тоа
Не те вплеткам во уште поголема неволја
Затоа и си седам така настрана
Нека сум ладна, нека сум недостапна
Нека сум онаа што ретко зборува
Јас лепам стихови по ѕидови
Така најубаво кажувам што мислам
Па ви велам – не сум јас, виновен е Шекспир
Не сум јас, така рекол Мајаковски
Јас само се обидувам
Да не те исплашам премногу
Не сфаќајќи дека всушност
Најмногу се плашам од тебе
Оти ти си различен
За тебе нема противотров
Јас сум зезната за мислење
Но се прашувам
Дали и ти не си таков...