Не е проблем да се скршат
Прозорци и огледала
Или да се стават окови
на нечии раце.
Проблемот се оние невидливи врвки
кои ги поврзуваат
улиците на секојдневието
кои ги спојуваат облаците на нашите дождови
И не тераат да водиме љубов
со телевизорот
Не е проблем да се игнорираме
Да ставиме маски и превези
И да не си зборуваме
Проблем е кога ќе треба да си честитаме за љубов
и кога ќе треба да се вљубиме
Или да се пронајдеме вторпат
Кога еднаш веќе сме се изгубиле
Еден во Друг.
No comments:
Post a Comment