Нова стратегија

Се уште не сум подготвена

да се откажам од цигарите

и од синиот чад

Уште едно место каде понекогаш

ми се појавува твојот лик

Исто како во вирчињата

од утрински растопен снег

И камионите

Автомобилите

Светлечките реклами

Од кои ми се топори

Твоето име

Си велам

Не секогаш знам да победам

Но белки ќе можам успешно да бегам

Баш ми е гајле

и тоа се важи

Во големиот космички тефтер

на достигнувања

Во мој стил

го набележав градот

со невидливи црвени стрелки

и си измислив нова

видео игра

Целта е моите чекори

Да бидат што подалеку од твоите

Единствено така ќе биде

1:1

Ниту ти победник

Ниту јас без себе