Експеримент

Ајде нека пробаат да не одвојат

(да не разделат секако не можат)

Но нека не одвојат на еден ден

Да видам како ќе ја расплетат 

оваа твоја пајажина од која се сопнувам

Кога станувам наутро

Кога легнувам навечер

Да видам како ќе ги избришат

Лифтовите

Огнометот

Погледите и џагорот

на луѓето што зачудено не гледаат и си велат

Од каде оваа топлина во декември?