Временска дистанца

1. (2010)

За мене хабиби
Ти си далеку од совршен
Понекогаш си три-четиригодишен и наивен
За вистината сосема неподготвен
А понекогаш толку мудар што ти се
восхитувам
и не престанувам да се прашувам
дали ќе успеам да те изненадам
(но да те збунам, не да те предадам)
Оти не е праведно
секогаш ти да ме збунуваш мене
...

2. (2013)

Хабиби
Сепак нема замена за отворени очи
Најдобриот лек е тоа
за празни восхитувања
Ако можеше да се должи почит
Ќе ми ја должеше
Кога веќе никако не успевам
на миг да ти ги подадам плеќиве
за овој товар барем на кратко
заедно да го понесевме
Ете, не успеав да те изненадам
Но успеав да се изненадам себеси
Не беше праведно
Ама така мораше да биде